صحيح بعض الناس فرقاه بشرى
وبعض الناس لاغاب ليله تضايقت
اشوف لك من وين مارحت ذكرى
لاشفتها صديت عنها ودنقت
ماكل جرح لاخذا ايام يبرى
بعض الجروح يزيد شره مع الوقت
ــــــــــــــــــــــــــــــــــــــــــــــ
جيت ابنساك عقب الفراق
نازعتني فيك الاشواق
حاولت النسيان
ولقيت نفسي اشتاق واشتاق
حاولت واشتقت
وحاولت ونسيت
انا فعلا نسيت
نسيت نفسي ... نسيت ربعي
نسيت شغلي ... نسيت ارقام
نسيت اسماء
نسيت هنيه ... نسيت هناك
ونسيت انساك
ــــــــــــــــــــــــــــــــــــــــــــــ
صحيح واجد تكلمنا
صحيح واجد انا وانتي
مع الاحلام سافرنا
وصلنا اخر الدنيا
تخطينا جدار الياس
وغنينا لكل الناس
نبي نفرح
نبي نضحك
نبي نرتاح لو مرة
ونبعد عن كلام الناس
ــــــــــــــــــــــــــــــــــــــــــــــ
حبي فوق تعريفي
حبي فوق تحريفك وتحريفي
وانا ملزوم اتصبر
نسيانك مهو بكيفي
وعيونك نجوم ليل
كل الليل في صيفي
احارب عالم عيونك
احارب ينكسر سيفي
ابحر فيك ياحلوة
تغرقني مجاديفي
ــــــــــــــــــــــــــــــــــــــــــــــ
نفضت اللي بقى ف ثيابي
من احبابي
عرفت ان الشقا بابي
عرفت ان السفر
يم السهر
يبدا من اهدابي
ــــــــــــــــــــــــــــــــــــــــــــــ
ابي اعرف متى تسكن رياحك
وابي اعرف غرورك
هو متى يطلق سراحك
وابي اعرف متى تعصف
متى تعطف
متى تنزف جراحك
ــــــــــــــــــــــــــــــــــــــــــــــ
على وعدي
انا على وعدي
انك تجي عندي
واقف على درب الوعد
ادري تصون انت العهد
وكلما بغيت امشي
وعزمت انا امشي
قلبي يقول اصبر بعد
